Kagawad na umawat sa isang away, nataga

Sugatan ang isang Barangay Kagawad sa Brgy. Sto. Niño sa Dumalag, Capiz matapos tamaan ng itak kasunod ng pag-awat nito ng away sa kanilang lugar.

Kinilala ang biktima na si Dennis Lusaya, 29-anyos, habang ang suspek ay si Renio Denosta, mga residente rin ng nasabing lugar.

Batay sa imbestigasyon ng Dumalag PNP, iniwat ng biktima ang away nina Denosta at Randy Geronda na hindi nagkaroon ng pagkakaintindihan.

Umuwi umano ang suspek pero bumalik rin at may dala na itong itak.

Muling nag-awat ang konsehal ng barangay, pero napuruhan ito matapos matamaan ng itak na bitbit ng suspek.

Dinala sa ospital ang biktima habang arestado naman ang suspek at nakakakulong ngayon sa Dumalag PNP Station para sa kaukulang disposisyon.