Kaso ng COVID-19 sa Capiz umakyat na sa 393

Umabot na sa 393 ang kompirmadong kaso ng COVID-19 sa buong probinsiya ng Capiz batay sa report ng Provincial Health Office nitong Setyembre 22, Martes.

Sa kabuuang bilang, 141 rito ang aktibong kaso (35.88%); 226 naman ang mga nakarekober na (57.51%); habang 26 ang patay (6.62%).

Ang pinakahuling kaso ng COVID-19 sa probinsiya ay naitala sa Roxas City. Isa itong 23-anyos na babae na may history ng exposure sa pasyente na positibo sa nasabing virus.

Habang ang panibagong nakarekober ay isang 66-anyos na babae mula sa bayan ng Sapian.