Kasong Rape isinampa vs EJ Contreras na kandidato sa pagkakonsehal sa Pontevedra, Capiz

Nagsampa ng kasong Rape ang isang babaeng pharmacist sa piskalya laban sa tumatakbong konsehal ng Pontevedra, Capiz na si EJ Contreras.

Matatandaan na una nang nagreklamo sa Pontevedra PNP ang nasabing babae na edad 37-anyos, residente ng Marikina City.

Ayon sa salaysay ng nagrereklamo, naganap ang insidente nitong Nobyembre 26, dakong alas-12:30 ng madaling araw sa bahay mismo ng naturang kandidato.

Matapos mairekord sa kapulisan ang insidente, ay sumailalim sa medico legal ang babae saka nagsampa ng kasong Rape o paglabag sa Republic Act 266-A sa piskalya kontra kay Contreras.

Sinusubukan pa ng Radyo Todo Capiz na kunan ng pahayag ang inirereklamo.