Laborer sa Ivisan, Capiz arestado sa kasong rape

Kalaboso ang isang lalaki sa kasong rape sa Sitio Mahulak, Ilaya-Ivisan, Ivisan, Capiz.

Kinilala ang akusado na si Danilo Tupaz Diestro, temporaryong nakatira sa nabanggit na lugar.

Siya ay inaresto ng Ivisan PNP hapon nitong Martes sa pangunguna ni PCapt. Gregg Anthony Salbang, hepe, sa bisa ng warrant of arrest.

Ang warrant laban sa akusado ay pinirmahan at nilabas ni Ignacio Alajar, Presiding Judge nito lang Pebrero 15.

Walang piyansa na itinakda ang korte para sa pansamantalang paglaya ng akusado.

Pansamantala itong ikinulong sa Ivisan PNP Station para sa kaukulang disposisyon.