LALAKI ARESTADO SA DRUG BUY BUST OPERATION SA PILAR, CAPIZ

Arestado ang lalaking ito sa isang drug buy bust operation nitong hapon ng Biyernes sa Brgy. Rosario, Pilar, Capiz.

Kinilala ang suspek na si Michael Bernas y Basinang, 37-anyos, residente ng Brgy. Dulangan sa nasabing bayan.

Ang operasyon ay ikinasa ng pinagsamang mga tauhan ng Philippine Drug Enforcement Agency (PDEA), Philippine Drug Enforcement Unit (PDEU) at ng Pilar PNP.

Nabilhan ng operatiba ng isang maliit na sachet ng pinaghihinalaang shabu ang suspek kapalit ng Php3,500 na buy bust money.

Sa pagbody search, narekober ng operatiba ang isa pang sachet na naglalaman ng pinaghihinalaang shabu mula sa suspek.

Kinumpiska rin sa lalaki ang kaniyang motorsiklo.

Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang nasabing suspek.