Lalaki malubha matapos makabundol ng asong gala

Malubhang sugatan sa noo ang isang lalaki Matapos mabundol nito ang isang asong gala sa kahabaan ng highway sa Brgy. Lawaan, Roxas City.

Kinilala ang biktima na si EJ Victorino, residente ng Brgy. Lanot sa lungsod ring ito.

Ayon sa inisyal na ulat ng Roxas City PNP, binabaybay ng biktima ang highway mula sa Roxas City proper patungong Brgy. Bolo nang maganap ang aksidente madaling araw ng Huwebes.

Nagtamo ng malubhang sugat sa noon ang nasabing biktima matapos matumba sa sementadong kalsada.

Wala itong malay nang isugod sa St. Anthony College Hospital para sa kaukulang paggamot.