LALAKI NATAGPUANG PATAY MATAPOS MALUNOD SA ILOG SA PRES. ROXAS

Isang lalaki ang natagpuang patay sa Sitio Pangpang, Brgy. Ibaca, Pres. Roxas, Capiz nitong Martes ng umaga.

Kinilala ang biktima na si Richard Eslana, 35-anyos, may live in, isang laborer, at residente ng nabanggit na lugar.

Ayon sa imbestigasyon ng President Roxas PNP, nakipah-inuman ang biktima sa kaniyang mga kaibigan at mga kamag-anak sa Piyesta ng mga Patay.

Umuwi umano ang biktima dakong alas-4:00 ng hapon kung saan tumawid ito ng ilog dahil nasa kabilang bahagi pa ang kanilang bahay.

Pinaniniwalaang nalunod ang biktima dahil sa kalasingan at nadiskobre nalang na wala nang buhay dakong alas-8:30 ng umaga.