Lalaki natagpuang patay sa Tapaz, Capiz at may mga saksak sa katawan

Isang lalaki ang natagpuang patay sa harap ng isang tindahan sa Brgy. San Jose, Tapaz, Capiz umaga ng Sabado, Marso 7.

Kapansin-pansin na may mga saksak ito sa katawan.

Batay sa imbestigasyon ng Tapaz PNP, nakilala ang lalaki na si Ben Ocbena o mas kilala na si “Alyas Ben Buang” ng Brgy. Baybay, Roxas City.

Ayon sa pamilya, nakararanas ng sakit sa pag-iisip ang lalaki.

Nabatid na huling nakita ng mga kamag-anak at mga opisyal ng barangay ang lalaki noon pang 2019 sa Teodoro Arcenas Trade Center.

Iniimbestigahan pa ng kapulisan ang insidente.