LALAKI PATAY MATAPOS BUMANGGA ANG MOTORSIKLO SA ISANG SASAKYAN SA DUMALAG, CAPIZ

Patay ang isang lalaki matapos bumangga ang menamaneho nitong motorsiklo sa isang Ford Ranger na sasakyan sa Brgy. San Jose, Dumalag, Capiz.

Kinilala ang namatay na si John Paul Benito, 18-anyos at isang estudyante, residente ng nabanggit na lugar.

Nabatid na papunta sanang Brgy. Poblacion ang biktima mula sa Brgy. Santo Angel habang tinitest ang kaniyang motorsiklo nitong Martes.

Sinasabing nawalan ng kontrol ang lalaki sa kaniyang menamanehong motorsiklo dahil sa bilis ng takbo nito rason para bumangga sa nasabing Ford Ranger.

Nagtamo ng malubhang sugat sa ulo at sa iba pang bahagi ng katawan ang biktima. Isinugod pa ito sa Dao District Hospital pero dineklara ring dead on arrival.

Iniimbestigahan pa ng kapulisan ang insidente.