Lalaki patay matapos bumangga sa railings ang menamanehong motorsiklo

Patay ang isang 24-anyos na lalaki matapos bumangga ang menamaneho nitong motorsiklo sa railings sa Poblacion Swa, President Roxas, Capiz dakong alas-9:00 ng gabi nitong Linggo.

Kinilala ang biktima na si Cybon Kent Castillo Dolor, residente rin ng nasabing lugar.

Batay sa imbestigasyon ng President Roxas PNP, papunta sanang Brgy. Lantangan sa bayan ng Pontevedra ang nasabing biktima nang maganap ang aksidente.

Sinasabing bumangga sa railings ang menamaneho nitong motorsiklo na kanyang hiniram. Sa lakas ng pagkakabangga, tumilapon ito sa kalsada at nagtamo ng malubhang sugat sa ulo.

Dinala pa ito sa Bailan District Hospital pero hindi na umabot pa ng buhay.