LALAKI PATULOY NA PINAGHAHANAP MATAPOS MALUNOD SA ILOG SA PANAY, CAPIZ

Patuloy na pinaghahanap ng mga rescuer ang isang lalaki na naiulat na nalunod sa ilog sa Brgy. Linao, Panay, Capiz.

Kinilala ang biktima na si Ariel Francisco y Bajada, 45-anyos, residente ng nasabing lugar.

Ayon sa report ng Panay PNP, Biyernes ng umaga ay nangingisda ang biktima gamit ang “taon” o cage trap nang aksidente itong nakarating sa malalim na bahagi ng ilog. Hindi umano nito kinaya ang lakas ng agos ng tubig at ito ay nalunod.

Ayon sa imbestigasyon ng kapulisan, sinubukan umano ni Christian Alabe, 14-anyos, residente ng nasabing lugar pero dahil sa malakas na agos, bumalik ito sa tabing-ilog at humingi ng tulong sa mga tao.

Agad nagsagawa ng search and rescue operation ang Panay PNP, MDRRMO Panay at Bureau of Fire Protection-Panay para sa retrieval operation.