LALAKI SUGATAN MATAPOS BARILIN NG TANOD SA TAPAZ, CAPIZ

Sugatana ng isang 33-anyos na lalaki matapos barilin ng isang tanod sa Brgy. San Vicente, Tapaz, Capiz.

Kinilala ang biktima na si Richard Falsis, isang laborer, habang kinilala naman ang suspek na si Cristituto Glumalid, 55, mga residente ng nasabing lugar.

Ayon sa report ng Tapaz PNP, nag-iinuman ang dalawa gabi ng Miyerkoles kasama ang kanilang mga kamag-anak nang magkaroon sila ng hindi pagkakaintindihan.

Bumunot umano ng baril ang suspek at binaril ang biktima na tumama sa kaniyang kanang kamay.

Agad na isinugod ng mga kamag-anak ang biktima sa Tapaz District Hospital habang tumakas naman ang suspek matapos ang insidente.

Patuloy ang imbestigasyon ng kapulisan sa krimen.