Lalaki sugatan matapos bumangga ang menamanehong motorsiklo sa isang tricycle

Sugatan ang isang lalaki matapos bumangga ang menamaneho nitong motorsiklo sa isang pampasaherong tricyle sa national highway sa Brgy. Lawaan, ROxas City.

Kinilala ang biktima na si Richard Lopez, residente ng Brgy. Lonoy, sa syudad na ito. Kinilala naman ang driver ng tricycle na si Mario Jinio, 45, residente ng Brgy. Mangoso, Sigma.

Batay sa imbestigasyon, aksidenteng bumangga ang menamaneho nitong motorsiklo nang mag-U-turn ang nasabing tricycle.

Agad na dinala sa ospital ang driver ng motorsiklo para sa kaukulang paggamot.

Nagkasundo naman ang magkabilang panig na ayusin ang nangyari sa kanilang lebel.