Lolo patay matapos makuryente sa Pontevedra, Capiz

Patay ang isang lolo matapos makuryente sa Brgy. Sublangon, Pontevedra, Capiz.

Kinilala ang biktima na si Adolfo Cordenillo, 67-anyos, residente ng nasabing lugar.

Ayon sa Pontevedra PNP, nagliligpit umano ng gamit ang matanda matapos magpinta sa bubong ng kanilang bahay nang aksidente nitong nahila ang extension na may leakage.

Isinugod pa sa ospital ang biktima pero dineklara rin ito ng doktor na dead on arrival.