Magsasaka, nalunod patay sa Dumalag, Capiz

Patay na nang matagpuan ang isang magsasaka matapos itong malunod sa ilog sa kasagsagsagan ng pananalasa ng bagyong Lannie nitong Lunes.

Kinilala ang biktima na si Rogelio Rios, 64-anyos, residente ng Brgy. Sto. Niño sa nasabing bayan.

Ayon sa inisyal na ulat ng Dumalag PNP, tatawid sana sa ilog ang nasabing biktima nang ito ay madulas. Humingi pa umano ito ng saklolo pero hindi na natagpuan pa ng mga rumesponde.

Nagtutulong ang mga opisyal at tanod ng barangay, MDRRMO Dumalag, BFP Dumalag, at Dumalag PNP sa paghahanap sa nasabing biktima.

Natagpuan ang bangkay ng biktima umaga na nitong Martes.