MANYAKIS ARESTADO SA PANGGAGAHASA SA MAGLOLA SA IVISAN, CAPIZ

Timbog sa hot pursuit operation ang lalaking ito nitong hapon matapos umanong gahasain ang isang maglola sa bayan ng Ivisan, Capiz kagabi.

Ang suspek kinilalang si Gerald Almanon alyas Teleboy, 33-anyos, at isang mag-uuling.

Nabatid na pinasok ng suspek ang bahay ng maglola at ginapos ang mga ito saka ginawan ng kahalayan.

Napag-alaman na ang batang babae ay siyam na taong gulang lamang habang senior citizen naman ang kaniyang lola.

Dahil sa kalasingan ng lalaki nakatulog umano ang lola at nakatakas ito at humingi ng saklolo sa isang konsehal ng barangay na siya namang nagreport sa kapulisan.

Agad nagsagawa ng follow-up operation ang Ivisan PNP kasama ang mga opisyal ng barangay sa Poblacion Sur.

Ayon sa ilang tao sa lugar, manyakis talaga ang nasabing suspek na pati nga raw baka at kalabaw ay pinagdidiskartehan nito.

Nakakulong ngayon ang suspek sa Ivisan PNP Station at posibleng maharapa sa kasong Rape.

Nabatid na dati nang nakulong ang suspek sa kasong paglabag sa Republic Act 10591 dahil sa pagdadala ng baril ng walang kaukulang lisensiya.