MAYOR RONNIE DADIVAS SINAGOT ANG MGA ISYU SA AOM NG COA SA ROXAS CITY GOV’T

Sinagot ni Mayor Ronnie Dadivas ang ilang mga isyu tungkol sa Audit Observation Memorandum (AOM) ng Commission on Audit (COA) sa Roxas City government noong Hunyo 2021.

Matatandaan na kinuwestiyon ni Provincial Administrator Edwin Monares ang 1.336 Billion Property Plant and Equipment na binanggit sa AOM ng COA.

Narito ang ilang mga katanungan at isyu na sinagot ni Dadivas:

PAMANGKOT:

Ano gid ya ang buot silingon sang PPE nga ginahambal ni PA Monares sa COA Findings?

MAYOR RONNIE DADIVAS:

Ang buot silingon sang 1. 336 Billion PPE nga ginapangita ni PA Monares kag sang mga trolls amo ang PROPERTY,PLANT AND EQUIPMENT.

INDI INI KWARTA UKON KWESTIYUNABLI NGA PAG-GASTO nga malisyoso nila nga gina-puntariya. Buot silingon, ang ginapangita sang COA amo ang imbentaryo lang sang mga fixed assets nga ginapanag-iyahan sang syudad kapareho sang buildings, duta, makinarya, furnitures kag salakyan umpisa pa sang nagligad nga administrasyon sang tuig 2010. INDI PA AKO MAYOR SADTO.

Aton administrasyon pa gani ang naga-prioritize sa pagpatigayon sang physical inventory sang mga fixed assets.

PAMANGKOT:

Ano ini nga patalang sang trolls nga kunu daw may nadula nga P1.3 Billion nga kwarta?

MAYOR RONNIE:

UNA,ang ara sa COA Findings nga 1.3 Billion INDI KWARTA kundi PROPERTY, PLANT AND EQUIPMENT (PPE) buot silingon mga building , duta, furniture sa opisina, salakyan nga UMPISA PA SANG NAGLIGAD NGA ADMINISTRASYON SANG TUIG 2010. Sa liwat INDI PA AKO MAYOR SADTO.

IKADUHA, paano nila mapapati ang tawo nga may nadula nga 1.3 Billion kay ang pondo lang sang syudad sang 2020 1 Billion. Buot silingon masobra pa ang ginaalegar nila sa kon ano ang ara? Ti diin kita nagkuha sang ginpang-sweldo which comprises 45% sang budget kag TAKE NOTE ON TIME kami diri magsweldo sa amon FRONTLINERS KAG MGA EMPLEYADO. Diin kami nagkuha sang para sa bugas? Ang para sa CoVid Response? Financial assistance kag madamo pa nga kaayuhan nga gina-enjoy sang taga-Roxas? Gani ini ya, hungod lang gid ngap agpatalang sa tawo, malisyoso kag iresponsabli ngaa kusasyon.

PAMANGKOT:

Ano ang diperensya sang AOM Findings sang Province kag sang City? Kay ginapaguwa ni PA Monares nga parehas lang kuno.

MAYOR RONNIE:

Indi pwede ikumparar kay ang Audit Observation Memorandum (AOM) Findings sang COA sang 2020 sa City nahanungod lang sa kakulangan sa IMBENTARYO sang propiedad o fixed assets sang syudad nga natingob umpisa sang nagliligad nga mga tinuig tubtob 2020 nga ginlakipan sang mga buildings, duta, makinarya, kagamitan sa opisina, furniture kag salakyan . WALA KWARTA NGA INVOLVED sa findings.

Ang sa PROVINCE, ang AOM Findings sang COA nahanungod sa GUINBAKAL nila nga bulong, medical, dental kag laboratory supplies. GANI MAY KWARTA NGA NAGGUWA.

Ngaman nagparehas kay LAIN ANG ILA AOM LAIN MAN ANG AMON. INDI GID YA PAREHAS.

PAMANGKOT:

Mayor, desidido ka gid man nga mag-file sang kaso batuk kay PA Monares?

MAYOR RONNIE

YES. We will exhaust all legal remedies para maleksyunan si PA Monares. Ang iya malisyoso, iresponsabli, binutig nga post kag pagpabangud nga wala sang pruweba gintuyo niya nga samadon kag higkuan ang akon karakter kag integridad lakip na ang maayo nga ngalan sang Roxas City Government.