Mga militar at mga rebelde nagbakbakan sa Tapaz, Capiz

Nagbakbakan ang mga militar at mga rebeldeng grupo sa Sitio Nilwan, Brgy. Siya, Tapaz, Capiz nitong Martes.

Walang naiulat na nasugatan sa hanay ng 12th Infantry Battalion sa engkwentro na sinasabing tumagal ng nasa 20 minuto.

Nabatid na nagkasalubong lamang ang 16 mga militar at nasa 7 na sinasabing mga miyembro ng Communist Terrorist Group (CTGs) sa nasabing lugar.

Narekober sa lugar ang tatlong cellphone, duyan, bolo, bota, mga sako at iban pang mga gamit ng nasabing rebeldeng grupo.

Hindi pa matukoy kung may nasugatan sa hanay ng New People’s Army o mga NPA na mabilis na nakatakas.

Iniimbestigahan pa ng mga militar ang insidente.