Mga pulis ng Sapian PNP pinagsisipa at pinagsusuntok ng isang lasing; suspek arestado

Sasampahan ng kasong Direct Assault ang isang 26-anyos na lalaki matapos nitong pagsusuntukin at pagsisipain ang ilang pulis ng Sapian PNP.

Kinilala ang naaresto na si Jay-R Trajada, residente ng Brgy. Agtatacay Sur, Sapian, Capiz.

Nabatid na habang nagsasagawa ng checkpoint ang Sapian PNP nakatanggap sila ng report na mayroong isang lalaki ang nagwawala at nambabangga ng mga dumaraan sa nabanggit na barangay.

Agad na rumesponde sa lugar ang kapulisan pero nanlaban ang suspek at pinagsusuntok at pinagsisipa nito ang apat na pulis kabilang ang kanilang hepe na si PLt. Nanette Puasan.

Nabatid na nakainom ang lalaki.