Mister patay matapos magbigti sa Mambusao, Capiz

Patay ang isang mister matapos magbigti sa kanilang bahay sa Brgy. Batiano, Mambusao, Capiz nitong hapon ng Martes.

Ayon sa Mambusao PNP, naabutan nalang ng kaniyang asawa dakong alas-3:00 ng hapon na nakabitay at wala ng buhay ang 55-anyos na mister.

Nabatid na walang kasama ang mister sa bahay nnag magbigti ito. Sinasabing umalis ng bahay ang kaniyang misis dakong alas-9:00 ng umaga.

Napag-alaman na may sakit na dystonia ang biktima at nasa 14 taon na niya itong iniinda. Ilang beses narin umano na nagtangkang magpakamatay ang lalaki ayon sa kapulisan.

Naniniwala ang pamilya na walang foul play sa nasabing insidente.