MOTORSIKLO BUMANGGA SA CERES BUS SA SAPIAN, CAPIZ, 2 SUGATAN

Sugatan ang dalawang lalaki matapos bumangga sa isang bus ng Ceres Liner ang kanilang menamanehong motorsiklo sa Brgy. Bilao, Sapian, Capiz.

Kinilala ang mga biktima na sina Vincent Gardose, 19-anyos, residente ng Brgy. Apero, Tapaz, Capiz at isang 15-anyos na lalaki na taga-Brgy. Jagnaya, Jamindan, parehong mga nagbabantay sa isang lechonan sa Sapian.

Kinilala naman ang driver ng bus na si Lodivico Alayon, residente ng Brgy. Man-up, Batan, Aklan.

Napag-alaman na nakahinto ang bus para magpick-up ng pasahero nang bumangga ang motorsiklo na sinasakyan ng dalawang mga biktima.

Nabatid na hindi napansin ng driver na si Vincent ang nakahinto na bus sa kanilang unahan dahil nakatingin ito sa ilalim ng motorsiklo habang ito ay nakaandar.

Agad na isinugod sa ospital ang mga biktima para sa kaukulang paggamot.