MOTORSIKLO NABANGGA NG ISA PANG MOTORSIKLO; MGA DRIVER SUGATAN

Sugatan ang dalawang driver matapos mabanggaan ng isang motorsiklo ang isa pang motorsiklo sa Brgy. Calitan, Panay, Capiz dakong alas-10:30 nitong gabi ng Miyerkoles.

Kinilala ang biktima na si Jason Amacan, 24, residente ng naturang barangay habang ang suspek ay kinilalang si Donafe Bolbillo, 29, isang babae, residente ng Brgy. Daga sa nasabing bayan.

Batay sa report ng Panay PNP, habang nakahinto sa gilid ang biktima sakay ng kaniyang motorsiklo bigla nalang siyang nabanggaan ng motorsiklo na menamaneho ng nasabing suspek na sumusunod sa kaniya.

Tumilapon ang biktima mula sa kaniyang motorsiklo at nagtamo ng sugat sa iba-ibang bahagi ng katawan. Natumba rin ang motor ng suspek.

Nabatid na nasa impluwensiya ng nakalalasing na inumin ang suspek nang maganap ang insidente. Sinailalim rin sa medikasyon ang suspek matapos makaranas ng pananakit sa kaniyang katawan.

Nasa kostudiya ng Panay PNP ang parehong mga motor na sangkot sa insidente habang umuusad pa ang imbestigasyon sa insidente.