Motorsiklo ninakaw sa Roxas City, huli sa CCTV

Isang motorsiklo ang ninakaw sa Brgy. Lawaan, Roxas City hapon ng Biyernes. Ang pangyayari ay nakuhanan ng CCTV.

Ang insidente ay idinulog ni Reymus Briones, 30-anyos, residente ng Brgy. Anhawon, Panay, Capiz sa Roxas City PNP.

Ang motorsiklo ay isang Raider 150, color dark blue na may plate number 5060FD at aksidente umanong naiwang naka-unlock.

Salaysay niya sa kapulisan, iniwan niya ang motorsiklo sa parking area ng Triumph Home Depot kung saan siya nagtatatrabaho nang ito ay nakawin.

Nang rebyuhin ang kuha ng CCTV sa lugar, isang hindi pa nakikilalang suspek na nakasuot ng facemask at rain coat ang kumuha ng motorsiklo at sinakyan papalayo.

Patuloy pang iniimbestigahan ng kapulisan ang insidente.