PULIS NG ROXAS CITY PNP NINIKAWAN NG BARIL, PERA

Isang miyembro ng Roxas City PNP Station ang ninakawan umano ng kaniyang baril at pera sa Sitio Cablat-an, Brgy. Cagay, Roxas City.

Kinilala ang pulis na si PSSg. Roberto Ebojo Padrogane Jr., 42-anyos, residente ng Brgy. Poblacion Ilaya, Dao, Capiz.

Ayon sa report, nagpapakarga ito ng mga saku-sakong feeds sa kanilang truck nang bumuhos ang ulan. Minabuti nang pulis na sumilong muna pero nang bumalik siya sa lugar ay wala na roon ang kaniyang sling bag laman ang isang 9mm cal pistol at pera na Php1000.

Patuloy ang sinasagawang imbestigasyon ng kapulisan sa insidente.