Sasakyan dumiretso sa palayan sa Panitan, Capiz

Isang sasakyan ang aksidenteng dumiretso sa palayan sa Brgy. Salocon, Panitan, Capiz gabi ng Miyerkoles.

Maswerteng hindi nasugatan ang driver na kinilalang si Jeremy Pagaran, 34-anyos, residente ng Brgy. Dayao, Roxas City.

Ayon sa report ng Panitan PNP, nabatid na mula sa bayan ng Dao ang driver at pauwi na sana sa lungsod nang mawalan ito ng preno sa menamanehong sasakyan.

Nagdulot ng kasiraan sa sasakyan ang aksidente.