SENIOR CITIZEN, NATUSTA MATAPOS MASUNOG ANG BAHAY SA SIGMA, CAPIZ

Natusta sa sunog ang isang matandang babae matapos nilamon ng apoy ang kanilang bahay sa Sitio Dawis, Brgy. Tawoh, Sigma, Capiz.

Kinilala ang biktima na si Remedios Abal, 91-anyos, residente ng nasabing lugar.

Nadamay rin sa sunog ang isa pang kalapit bahay na pagmamay-ari ni Nape Badenas, 37-anyos, apo ng biktima.

Ayon sa imbestigasyon ng Bureau of Fire Protection (BFP) Sigma dakong alas 10:00 kagabi nang masunog ang nasabing bahay.

Yari ito sa mga light materials kaya mabilis na nilamon ng apoy at naabu.

Napag-alaman na nag-iisa lang ang biktima nang maganap ang insidente matapos umalis ng bahay ang kaniyang apong lalaki kasama ang asawa at dalawang anak para manuod ng TV sa kapitbahay.

Nabatid na nagsisindi ng kandila ang biktima at nagdarasal bago matulog. Posible umanong nakatulog na ang matanda at naiwan ang kandila na nakasindi.

Nag-iwan ng tinatayang Php70,000 ang nasabing sunog.

Patuloy pa ang imbestigasyon ng kap