Swiss National, 42-anyos na babae arestado sa kasong Concubinage sa Mambusao

Inaresto ng kapulisan ang isang Swiss National at ang kasama nitong babae sa bayan ng Mambusao dahil sa kasong concubinage.

Kinilala ang mga akusado na sina Daniel Scholz, 62, at Daisy Jane Falsis, 42-anyos, pawang mga residente ng Brgy. Poblacion sa naturang bayan.

Nahaharap ang dalawa sa kasong Concubinage o ang pakikipagrelasyon ng kasadong lalaki sa ibang babae.

Sila ay inaresto ng kapulisan sa bisa ng warrant of arrest na inilabas at nilagdaan ni Joevy Valenzuela, Municipal Trial Court Judge sa Mambusao, nito lang Setyembre 30.

Php30,000 bawat-isa ang itinakdang pyansa ng korte para sa pansamantalang kalayaan ng dalawa.

Pansamantalang ikinulong ang dalawa sa lock-up cell ng Mambusao PNP Station para sa kaukulang disposisyon.