Tinanggihan ng nobyo na mag-sex sa hotel, babae nagwala

Inaresto ng kapulisan sa Roxas City ang isang babae matapos itong magwala dahil tinanggihan umano ng nobyo na makipag-sex sa isang hotel.

Kinilala ang babae na si alyas Jean habang kinilala naman ang karelasyon nito na si alyas James na isang sapatero.

Naganap ang insidente nitong Sabado nang hapon kung saan pumunta ang babae sa pwesto ng lalaki at nagyaya na mag-sex sa isang hotel.

Tinggihan umano siya ng sapatero dahil kulang pa ang pera nito para maghotel. Dahil rito nagalit ang babae at nagwala. Tinumba nito ang pwesto ni James at ikinalat ang kaniyang mga inaayos na sapatos at kagamitan.

Ang insidente ay nakunan ng video ng ilang netizen.

Nabatid na nagseselos ang babae dahil umano sa pagkikita ng kaniyang nobyo at ng dati nitong karelasyon na si alyas Rose.

Pansamantalang ikinustodiya ng Roxas City PNP ang babae na nabatid nasa impluwensiya ng nakalalasing na inumin.