Top 9 Most Wanted Person, arestado sa Capiz

Inaresto ng mga tauhan ng Roxas City PNP ang isang wanted person sa Sitio Mason, Barangay Banica, Roxas City nitong Hunyo 12, 2024.

Nahuli ang top 9 Most Wanted Person sa provincial level sa pagtutulungan ng Capiz Maritime Police Station at Capiz Provincial Highway Patrol Group.

Ito ay sa bisa ng warrant of arrest sa paglabag sa  Section 5 in relation to Section 26, Article II ng RA 9165 na inisyu at nilagdaan ni Hon. Esperanza Isabel E. Poco-Deslate, Presiding Judge, Regional Trial Court, Sixth Judicial Region, Branch 19, Roxas City noong ika-7 ng Hunyo 2024 na walang rekomendadong piyansa.

pansamantalang ikinulong ang akusado sa Roxas City Police Station para sa kaukulang disposisyon.