TRICYCLE DRIVER ARESTADO SA ILIGAL NA PAGBEBENTA NG BARIL SA ROXAS CITY

Arestado ang isang tricycle driver sa Brgy. Dinginan, Roxas City dahil sa iligal na pagbebenta ng baril nitong Miyerkoles.

Kinilala ang suspek na si Ryan Reyes, residente ng Brgy. Banica, dito rin sa syudad.

Siya ay inaresto sa ikinasang buy bust at entrapment operation ng Criminal Investigation and Detection Group (CIDG)-Capiz.

Nasabat ng operatiba mula sa suspek ang isang 12-gauge shotgun na may dalawang bala, at Php3,500 na buy bust money.

Rason ng suspek ay ipanabebenta lang ng kaniyang kaibigan ang nasabing baril na mabilis na nakatakas sakay ng motorsiklo.

Nasa kustodiya ngayon ng CIDG-Capiz ang suspek at posibleng maharap sa kasong paglabag sa Republic Act 10591 o Comprehensive Firearms and Ammunition Regulation Act. (with report from KaTodo Butchoy Gardose)