Tricycle driver na iligal na nagbebenta ng gasolina, tiklo

Tiklo ang tricycle driver matapos mahuling iligal na nagbebenta ng mga tingi-tinging mga gasolina sa Brgy. Balatucan, Panitan, Capiz.

Kinilala ang naaresto na si Bobby Besa, 39-anyos, residente ng Brgy. Capagao sa nasabing bayan.

Siya ay inaresto ng kapulisan sa bisa ng warrant of arrest na ibinaba ni Socorro Rapiz-Oliveros, presiding judge ng Municipal Trial Court sa Panitan nitong Oktobre 13.

Nahaharap ang akusado sa kasong paglabag sa Presidential Decree 1865.

Pinalaya rin siya matapos makabayad ng piyansa sa halagang Php15,000 para sa pansamantala nitong kalayaan.