POSITIVE COVID-19 CASES SA AKLAN NGAYONG LINGGO, ZERO

Sa inilabas na ulat ng Aklan Epidemiology and Surveillance Unit (PESU) ngayong araw ng Linggo, walang naitalang nag-positibo sa COVID-19 sa lalawigan ng Aklan.

Ayon sa datos ng Aklan PESU ngayong Nobyembre 7, 2021, 35 ang samples na sumailalim sa swab testing kahapon, kung saan lahat ng ito ay bumalik na negatibo sa COVID-19.

Samantala, dalawa ang nadagdag sa bilang ng mga gumaling na, habang 13 naman ang natitirang active cases sa buong probinsya kung saan 2 dito ang kasalukuyang nasa ospital pa.

Patuloy pa ring pinag-iingat pa ang lahat at pinapayuhang sumunod sa mga health protocols kontra COVID-19.