Teacher, nagtuturo ng Math lessons sa Pornhub, kumikita ng $250,000 kada taon

Pornography ang kadalasang pumapasok sa isipan ng tao tuwing naririning ang salitang PornHub.

Pero minsan ba ay sumagi na rin sa inyong isipan na maaari itong gamitin sa pagturo ng mga math lessons?

May isang 34-anyos na Taiwanese teacher kasi na nangngangalang Changsu na nagtuturo ng math lessons sa video platform na PornHub.

Si Changsu ay may master’s degree sa nasabing subject at 15 years nang nagtuturo sa mga Taiwanese Schools at online.

Sinimulan ni Chang na magturo ng math lessons sa Pornhub noong nakaraang taon dahil gusto niya na mas marami pa ang maabot ng kanyang mga itinuturo.

Marami raw kasi ang mga nanonood nga video sa nasabing platform kaya niya naisipan ito.

“Since very few people teach math on adult video platforms, and since there are so many people who watch videos on them, I thought that if I uploaded my videos there, a lot of people would see them,” saad niya.

Epektibo naman ito dahil umaabot sa milyong-milyong views ang mga videos na ina-upload ni Chang sa site gamit ang account na changshumath666.

“Many students who need a teacher who can teach math know me through Pornhub, and some of them buy my course,”aniya pa.

Makikita si Changsu na nakasuot ng isang grey hoodie at glasses sa lahat ng kanyang videos, makikita rin siya na sumasagot ng mga mathematical problems sa green board.

Photo: Youtube Screengrab

“People may not be interested in my videos, but they’ll all know there’s a teacher who teaches calculus on an adult video platform,” saad pa niya.

Kumikita si Changsu ng $250,000 kada taon na ginagamt rin niya sa pagbayad sa mga sweldo ng kanyang mga staff na gumagawa ng mga video.

“I didn’t want to teach math on Pornhub. I wanted to let the world know that I’m a teacher from Taiwan who can teach calculus well,” saad niya sa Mel Magazine.

Mapapanood din ang mga video ni Changsu a Instagram at Youtube kaya hindi na kailangan na pumunta sa Pornhub para makita ang kanyang mga math videos.