₱100 Milyon, inilaan ng Iloilo City Government para sa Bakuna kontra COVID-19

INILAAN ng Iloilo City Government ang ₱100 milyon para sa bakuna kontra COVID-19.

Ayon kay Mayor Jerry Treñas, prayoridad ng bakuna ang mga empleyado ng City Hall, mga barangay officials pati ang kanilang pamilya.

Ani Treñas, tinuturing din na frontliners ang mga empleyado ng City Hall at mga punong barangay.

Inihayag ng alkalde na sisiguraduhin niyang makabili ng bakuna kung available na ito sa susunod na taon.

Paliwanag naman ni Treñas, preparasyon lamang umano ito kapag kulang ang budget ng national government.

Mababatid na mayroong mahigit 4,000 regular, jobhires, co-terminus at elective personnel ang lungsod ng Iloilo.