Bangkay ng lalaking naka-duct tape ang mata at kamay, natagpuan sa San Joaquin, Iloilo

Natagpuan ng mga residente sa Brgy. Igcondao sa San Joaquin, Iloilo ang bangkay ng isang lalaking naka-duct tape ang mga mata at kamay nitong Miyerkules.

Nakitaan rin ng mga sugat sa ulo ang biktima.

Sinasabing naghahanap lang ng kanilang manok ang dalawang residenteng nakakita sa patay na katawan ng biktima.

Kinabahan ang mga ito at agad na tumawag ng pulis.

Pagdating sa lugar, nilagyan ng kordon ang crime scene at inaalam pa hanggang ngayon ang pagkakakilanlan ng biktima at ang motibo sa krimen.

Batay sa kapulisan, nakasuot ng brown tshirt at itim na shorts ang biktima.

via Radyo Todo Iloilo