Biyahe ng Fast Craft mula Iloilo-Bacolod, balik-operasyon na sa katapusan ng Oktubre

90% sa mga fast craft mula Iloilo-Bacolod vice versa ang magbabalik na sa operasyon ngayong Oktubre 31.

Kinumpirma ito ni MARINA-6 Director Jose Venancio Vero matapos ang pagpupulong kasama ang mga fast craft operators.

Ayon kay Vero, kinausap niya ang mga fast craft operators na magbiyahe kahit hindi ipatupad ang taas-pasahe.

Aniya, pumayag naman umano ang mga ito kaya’t matutuloy na sa Oktubre 31 ang pagbabalik-biyahe.

Mababatid na nagaalangang bumiyahe ang ilang fast craft operators noon dahil malulugi umano sila.