Enhanced Community Quarantine sa Iloilo City, extended hanggang May 15

Muling na extend hanggang Mayo 15 ang Enhanced Community Quarantine (ECQ) sa Iloilo City batay sa anunsyo ni Mayor Jerry Treñas.

Kinumpirma ito ni Treñas kagabi matapos ang pakikipag ugnayan kay Presidential spokesman Harry Roque.

Ayon sa alkalde, hinihintay pa nila ang guidelines na ipatutupad sa ECQ extension mula sa national government.

Ipinag-utos rin nito sa mga local government units na huwag maglabas ng lokal na direktiba ukol sa extended ECQ.

Nagsimula ang ECQ sa Iloilo City noong Marso 20. Magtatapos na sana ito noong Abril 14 ngunit napalawig hanggang Mayo 15.