ESTANCIA POLICE STATION, ISINAILALIM SA LOCKDOWN; 20 PERSONNEL NAKA-QUARANTINE

Isinailalim sa RT-PCR test ang 20 personnel ng Estancia Municipal Police Station matapos magpositibo sa COVID-19 ang isang personnel.

Nagpatupad din ng lockdown sa nasabing istasyon.

Ayon kay Police Major Aldrin Lamera, hepe ng Estancia MPS, isinailalim ang 20 personnel sa RT-PCR test kaninang umago, Mayo 4, at inaasahang lalabas ang resulta bukas, Mayo 5.

May augmentation naman mula sa 2nd Iloilo Provincial Mobile Force Company, na sila ang magreresponde kapag may emergency sa Estancia.

Ayon pa sa hepe, ipinatupad ang lockdown para mapigilan ang pagkalat ng virus.

(Via Aksyon Radyo Ilolo)