Iloilo Gov. Arthur Defensor, kinilala bilang 2nd top performing governor sa buong bansa

Kinilala si Iloilo Governor Arthur Defensor Jr. bilang 2nd top performing governor sa buong bansa.

Batay sa RP-Mission and Development Foundation Inc (RPMDInc.) nakakuha si Defensor ng 72 percent na approval rating sa survey.

Nanguna sa listahan si Cebu Governor Gwendolyn Garcia na nakakuha naman ng 77 percent approval rating.

Kabilang din sa top 5 performing governors sina La Union Gov. Francisco Emmanuel Ortega – 70%, Davao del Sur Gov. Marc Douglas Cagas – 67%, at Pampanga Gov. Dennis Pined na may 62%.

Samantala ang top-performing local chief executive naman sa buong bansa ay Davao City Mayor Sara Duterte-Carpio na may 93 percent job approval rating.

Habang si Quezon City Mayor Maria Josefina Tanya “Joy” Belmonte-Alimurung naman ang nangunguna sa mga Metro Manila mayors na nakakuha ng approval rating na 87 percent.