Lalaking nag-amok, hepe tinangkang tagain; suspek nabaril-patay ng pulis

NABARIL-PATAY NG PULIS ang lalaking may nervous breakdown sa Barangay Bagumbayan, Sta Barbara, Iloilo matapos itong mag-amok Lunes ng gabi.

Kinilala ang lalaki na si Joel Simpao, 41 anyos, residente ng nasabing lugar.

Pasado alas 8:00 ng gabi nang humingi ng tulong ang pamilya ni Simpao sa kapulisan dahil nag-amok umano si Joel habang may bitbit pang bolo at kutsilyo.

Ayon sa ulat, unang nag responde ang Sta Barbara PNP ngunit hindi pa rin umano maawat si Simpao rason kung bakit pumunta na ang hepe na si PMaj. Raymond Celoso kasama ang SWAT IPPO.

Sinikap pang pakalmahin ni Pmaj Celoso si Simpao ngunit tinaga sya habang maswerte naman itong nasangga ng kahoy ni Celoso pero na out balance siya.

Agad namang tinangkang tagain ng suspek si Celoso rason na nabaril ito ng pulis.

Natamaan sa kanang bahagi ng katawan si Simpao habang nagtamo rin ng sugat sa may ulo matapos matumba at tumama ang kaniyang ulo sa hawak niyang patalim.

Pahayag ng hepe hindi nila sadyang patayin si Simpao, “ang plano tani, ipton lang siya, i-disarm siya paagi sa pagbakol sa kamot niya sang baton naton kag ipton sang ladder nga nahulam naton. But then, nag-escalate ang situation… kag didto na napitkan sang aton nga tropa.”