MAG-ASAWA, NATAGPUANG PATAY SA MISMONG COMPOUND NG KANILANG BAHAY SA POTOTAN, ILOILO

Nakahandusay at wala ng buhay nang matagpuan ang mag-asawang Ticzon sa mismong compound ng kanilang bahay sa barangay Batuan, Pototan, Iloilo.

Kinilala ang mga biktima na sina Christy Ticzon, 39 anyos at Sherwin Ticzon, 43 anyos.

Ayon kay Police Staff Sergeant Amandi Caporal, imbestigador ng Pototan Police Station, patay na ang dalawa nang matagpuan ang mga ito ng kapatid ni Sherwin kaninang umaga.

Batay sa ulat, nagtatrabaho sa Ileco 2 bilang driver si Sherwin habang sa opisina naman ng Ileco 2 sa Passi City si Christy.

Sa ngayon, iniimbestigahan pa ng pulisya ang insidente para matukoy ang totoong dahilan ng pagkamatay ng mga biktima.