MECQ SA LUNGSOD AT PROBINSYA NG ILOILO, PINALAWIG HANGGANG HULYO 15

Pinalawig hanggang Hulyo 15 ang Modified Enhanced Coimmunity Quarantine(MECQ) sa lungsod at probinsya ng Iloilo.

Inanunsyo ito ni Pangulong Rodrigo Duterte sa Talk to the Nation kagabi batay sa rekomendasyon ng Inter-agency Task Force o IATF.

Kabilang sa mga lugar na mananatili sa MECQ ay ang Cagayan sa region 2, Apayao sa Cordillera Autonomous Region (CAR), Bataan – Region 3, Lucena City sa Region 4-A, Puerto Princesa sa Region 4-B, Naga City sa Region 5, Negros Oriental, Zamboanga Del Sur, Zamboanga Del Norte, Cagayan De Oro City , Davao City, Davao Oriental, Davao Occidental, Davao De Oro, Davao Del Sur, Davao Del Norte, Butuan City, Dinagat Islands at Surigao Del Sur.

Samantala ang ibang lugar naman sa Western Visayas ay mananatili sa General Community quarantine (GCQ) simula Hulyo 1 hanggang 31 kabilang ang NCR, Bulacan, Laguna at Cavite.

Nasa GCQ naman ang Baguio City, Ifugao, Santiago City, Isabela, Nueva Vizcaya, Quirino, Batangas, Quezon, Guimaras, Aklan, Bacolod City, Negros Occidental , Antique, Capiz, Zamboanga Sibugay, Zamboanga City, Iligan City, General Santos City, Sultan Kudarat, Sarangani, Cotabato, South Cotabato, Agusan Del Norte, Surigao Del Norte, Agusan Del Sur at Cotabato City.