MGA MAGPAPAREHISTRO PARA SA ELEKSYON 2022, DAGSA NA SA VOTER REGISTRATION SITE SA UPV ILOILO CITY

LOOK: NAGKUMPULAN ang mga residenteng magpaparehistro para sa eleksyon 2022 sa voter registration site sa UPV Iloilo City campus ngayong Sabado, Setyembre 18.

Ayon kay Mr. Nestor Canong, Head ng compliance team, aabot sa 200 indibidwal ang naabutan ng cut off.

Mahigit 700 katao ang nagpila kaninang umaga at 300 naman ang nag-online register na nakapasok sa UPV.

Saad pa ni Canong, okupado na ang UPV auditorium, hallways, little theater at parking area na ginawang holding areas ng eskwelahan.

Aniya pa, 3:30 ng madaling araw pa lang ay may mga residente nang nagsimulang pumila.

Pagdating ng 6:30 ng umaga ay puno na umano ang voter registration site.

Pinauwi na lamang nila ang mahigit 200 katao na nagpipila sa labas ng campus at inabisuhan na lamang ito na bumalik sa Lunes para makarehistro sa UI Phinma.

Mahigit namang binabantayan ng compliance team at mga pulis ang lugar para masigurong sinusunod ang physical distancing.