Nakababatang kapatid, sinaksak-patay ng kanyang kuya matapos mag-away dahil sa charger ng cellphone

Patay ang nakababatang kapatid sa Bakhaw, Mandurriao matapos saksakin ng kanyang nakakatandang kapatid na lalaki nitong Linggo, alas 10:00 ng gabi.

Batay sa impormasyon, bago nasaksak ang biktima, nag-away pa umano ang magkakapatid dahil sa charger ng cellphone.

Dinala naman sa ospital si alyas Nonoy, 25-anyos, subalit idineklara na itong patay.

Kinilala ang suspek na si alyas PUJ, 39 anyos.

Ayon pa sa ulat, parehong lasing ang dalawang magkakapatid.

Sa ngayon, kasalukuyang nasa kustodiya na ng Mandurriao police ang suspek.