Pinakamaraming new cases ng COVID-19 na dumagdag sa Western Visayas ngayong araw, Sept. 29 mula sa Iloilo City

Naitala ang 199 bagong kaso ng COVID-19 sa Western Visayas ngayong araw, Setyembre 29, batay sa case bulletin No. 186 ng Department of Health 6.

Sa bagong kaso, 93 nito ay mula sa Iloilo City; 41 sa Negros Occidental; 22 sa Bacolod City; 14 sa Iloilo Province; 12 sa Guimaras; 9 sa Capiz; 8 sa Aklan habang wala namang bagong kaso sa Antique.

Sa ngayon pumalo na sa 11,413 ang kabuuang kaso sa rehiyon kasama ang 4,161 na active cases.

192 sa bagong kaso ang local cases o walang travel history sa labas ng rehiyon at 7 naman ang locally stranded individuals (LSIs).

Samantala, 142 ang new recoveries at 2 new fatalities naman ang nadagdag sa rehiyon.