TRAVEL PASS AT BORDER CONTROL CHECKPOINTS SA PROBINSIYA NG ILOILO, TATANGGALIN NA SIMULA HULYO 1 — GOV. DEFENSOR

TATANGGALIN na ang travel pass at border control checkpoints sa mga bayan sa probinsiya ng Iloilo simula Hulyo 1 hanggang 15, 2021 ayon kay Iloilo Governor Arthur Defensor, Jr.

Pero paalala ng gobernador, ipinagbabawal pa rin ang dine-in sa mga restaurants.

Para naman sa mga beach resorts sa probinsiya, hindi pa rin ito papayagan.

Mahigpit pa ring ipinagbabawal ang pagbubukas ng mga non-essential establishments at mass gatherings.

Inaasahang maglalabas ng executive order ang gobernador ngayong araw, para sa iba pang adjustments sa restrictions.

Pinalawig hanggang Hulyo 15 ang MECQ sa probinsya ng Iloilo batay sa rekomendasyon ng Inter Agency Task Force na inaprubahan ni Pangulong Rodrigo Duterte.