TREÑAS, KINONDENA ANG SHOOTING INCIDENTS SA ILOILO CITY

Kinondena ni Mayor Jerry Treñas ang mga shooting incidents sa Iloilo City matapos maitala ang ilang insidente ng pamamaril sa lungsod.

“Una, ginacondemn ko guid ang ini nga mga acts of violence. As I have said in my statements before, all these acts of violence have no place in a civil society,” pahayag ng alkalde.

Ipinagmalaki naman ni Treñas ang mga kapulisan matapos mahuli ang security guard na bumaril-patay sa isang delivery rider.

Aniya magbibigay ng tulong ang city government sa pamilya ng rider.

“The city will give support to the family sang aton delivery rider. I heard in the papers nga taga-Bitoon to sya kag mabulig guid kita sa iya,” saad ng opisyal.

Samantala, inutusan naman ng alkalde si Col. Garbanzos para matugis ang bumaril sa anak ng isang konsehal sa Leganes.

“Ang isa naman to ang bata sang SB sa Leganes nga ginlagas ya ang perpetuator sang suspected robbery. Ginpadalman pa sang aton kapulisan. I have already given instructions to Col. Garbanzos this morning nga dapat dakpon guid ina,” ani Treñas.