43 CREW KASAMA ANG 39 PINOY NA SAKAY NG ISANG BARKO SA JAPAN, MISSING

NAGSASAGWA na ng search and rescue operations ang Japan Coast Guard sa mga nawawalang crew ng isang livestock carrier.

Naglalayag sa East China Sea ang Gulf Livestock 1 ng magpadala ito ng distress call pagdating sa parte ng Amami-Oshima Island.

Sakay nito ang 43 foreign crew kasama ang 39 na Pinoy.

Ang Panamanian registered vessel ay may sakay ding dalawang Australians at dalawang New Zealanders.

Isang Pinoy na ang nailigtas ng coast guard at sa maayos na na kundisyon.

Napag-alaman na masama ang panahon kahapon sa Japan dahil sa typhoon Maysak.