Hamad International Airport sa Qatar, itinanghal na ‘World’s Best Airport’

Nanguna sa World’s Best Airport category ng 2021 Skytrax World Best Airport Awards ang Hamad International Airport (HIA) ng Doha Qatar.

Naagaw ng HIA ang top spot sa Changi Airport ng Singapore tinaguriang best airport sa loob ng halos isang dekada.

Pumapangalawa sa HIA ang Tokyo Haneda Airport, habang napunta naman sa ikatlong puwesto ang Singapore Changi Airport.

Sinundan ito ng Incheon International Airport, Narita International Airport na nasa ikaapat at Munich Airport sa Germany.

Pasok din sa Top 10 ang Zurich Airport sa Switzerland, London Heathrow Airport sa England, Kansai International Airport sa Japan at Hong Kong International Airport.

Ibinatay ng Skytrax ang resultang ito sa isinagawang annual customer survey noong Agosto 2020 hanggang Hulyo 2021, karamihan sa mga pasahero na bumoto ay batay sa kanilang ‘pre-pandemic’ at kasalukuyang ‘COVID-19 experiences.