Isa sa pinakamalaking ospital sa mundo para sa COVID patients, binuksan sa India

Pormal nang binuksan sa India ang isa sa pinakamalaking ospital sa mundo na magagamit para sa mga tinamaan ng sakit na coronavirus disease (COVID-19).

Nagsimulang mag-operate nitong Linggo ang Sardar Patel Care Center na siyang pinakamalaking pasilidad sa naturang bansa.

Batay sa Delhi Government, mayroon itong 10,000 bed capacity at 8,000 dito ay nakalagay sa Chattarpur Area sa Delhi.

Nagagamit na ang 2,000 sa 10,000 bed capacity nito at sisimulan namang gamitin ang mga nalalabing 8,000 simula Miyerkules.